27/05/2022 Мајски оперски вечери
Традиционално, во месец Мај се одржува фестивалот на класична музика „Мајски оперски вечери“. Фестивалот беше отворен на 9ти Мај со звуците на „Триумфалниот марш“ од операта „Аида“ и палење на фестивалскиот оган во Националната опера и балет.
На јубилејното, 50. издание на овој реномиран фестивал настапуваат домашни и светски режисери, диригенти, кореографи, оперски и балетски солисти. Во рамките на фестивалот беа изведени: операта „Норма“ од Винченцо Белини, балетот „Госпоѓиците од Авињон“ по музика на Калиопи Букле, операта „Лучија од Ламермур“ на Гаетано Доницети, балетот „Жизел“ од Адолф Адам и операта „Турандот“ од Џакомо Пучини. Традиционално, на 31 мај манифестацијата се затвора со операта „Аида“ од Џузепе Верди.